---

Heit hängt mer scheints, nach meim Ermessn,

A trümmer Restrausch in der Fressn.

Woss gäbs da schenners an suam Doch,

Wo mer eh kann Bleedl sehng moch!

Als schee gemach dahiezuschlebbern,

Wo am rauschden Bach die Mühlen kleppern.

Bluss kummt mer heit soa Gliesskupf derquer,

No speicham aber schnell a boar Breggla derher.

Beim Laafn wieder schee boar Halbe zerrn

Und nebenbei na Unhold hern.

Die Sunn blecht oarlich scho hernunter,

Unds Schnakenglump werd a goar munter.

Erst schwirrns weng um mein Suffkupf rum

Merng dussd nix, doch stechngs di zam

Und wern halt a gleich fett wie Sau,

Rotzbesuffen und schee blau.

[...]