Abesti bat zor dizut neure malkoak zure argiez sikatzen direlako ipui eta kondairen ezinbesteko osagai Euskal Herriko sorginen itzala zugan isladatua ikusten dut alai Emakumearen emankortasunaren jabe olatu ta marien menperatzaile erromantizismoaren sinboloa zara poeta onenen musa eta haurren loaren zaindaria Hilketarik odoltsuenak eta amodiozko ekintzarik bortitzenak zure presentziaren eraginez kausatuak direla diote zu miresten zaituztenek Gau garbi honetan neure txikitasun honetatik otsoek egiten duten lez zu agurtzeko gogoaz musu bat bidaltzen dizut pozez