---

Gogoz hasi zen bart gaua

gorriz hasi eta beltzez amaitu

poteo dotoreen modura

Goizeko hiruretan nire eskua neukan

zurearekin batera xirritan jolasean

Musu goxo bat hemen

fereka leuna han

zure hitzen musika

biraka nire inguruan

eta orain mendi tarteko zulo honetan

gaupasaren ostean kafea esku tartean

Gorputzean hotz ikara zorrotza ,zanetan

odolaren abiadura hotsa bihotzean

amorruaren bortxa, amorruaren bortxa

Zure irudia gogoan zure zaporea ahoan

usaina alkondararen golkoan

baina ametsen antzera alde egina zara

sorgin ikustezinekin batera

nire barnean utziz irrintzi triste garratza.