---

Loron matan fó nia roman

Fulan ho fitun sira nabilan

Fó prezenti kmanek mai ita

Mak naroman mundu nian

Ohin loron ne'e

Ita la halo tuir

Mundu nia hakarak

Tan ita la unidade

Nakonu ho laran moras

Iha sosiadade nia le'et

Fasil atu julga ema seluk

Difisil atu korrizi ita nia a'an

Julga ha'u wainhira ó perfeitu

Hamnasa ha'u tuir ó nia direitu

Maibe presiza hatene ha'u nia kondisaun

Tan ita iha diferensa dimensaun

Keta julga ha'u nia moris

Tan ó la lao iha ha'u nia dalan

Keta inventa ha'u nia istoria

Ikus mai ó mak vitoria

Iha mundu ne'e

Laiha ema ida mak perfeitu

So Nia deit

Nia mak bele julga ha'u

Tan moris ne'e

Ida-ida nian

Halao deit nu'udar

Kriatura Na'i nia oan

Moris keta konta ema nia vida

Lalika laran moras (Ema seluk)

Tan hakerek nanis ona

Iha Na'i nia livru (Iha Lalehan)