Sa gitna ng mga lupaing hindi nasisinagan ng araw Kumikislap na asul at ginto ang aking suot Ako na siyang iyong gabay sa gabing tulog ang mga tala Ako ang susi at bantay. Ako ang pinto! Sana nawa'y mapasaiyo ang tagumpay ng mga nauna! Lakarin muli ang sanlibong hardin Na minsan inilawan ng iyong mga butuin! Matayog kang pumaroon (Padayon!) Marilag at mapangahas (Padayon!) Sa gitna ng kadiliman (Padayon!) Ikaw na anak ng apoy! Upang kuning muli ang sa iyo'y nararapat Umupo ka at magharing muli sa aming tabi Humayo kang nagliliyab na tila kandilang inukit sa araw! Humayo ka at huwag na muling lilingon pa Ito ang daan ng mga nauna Itim ang daan ng liwanag na hindi namamatay! Sa gitna ng mga lupaing pamilyar sa ala-ala Maglakad ka sa mga panaginip na tila nagdaan na Ikaw na siyang magbabalik ng sindi sa iyong mga tala Ikaw na susi at apoy! Ikaw ay ako!