Dakilang saksi sa unang paghinga Ng binhi na naging sanlibutan Kadilimang nagmamasid lamang Mula sa hangganan ng realidad Sinaunang manlalakbay Ng mga daigdig at ibayong mundo Isa sa makapagyarihang bantay ng mga lupaing sagrado't banal Taglay ang katotohanang hindi maibigkas Ng iyong motarlidad At iyong mga limitasyon! O, Saksihan ang pagbuka ng buong kalangitan Sa paglapag ng aking yapak sa ibabaw ng araw Ako ay hindi sa mundong ito. Ako ay walang limitasyon Ako ay ganap, ako ay lahat! Ako ay bathala! Ilang siglo na akong pilit inaangkin Sukdulang hindi madaig ng kaalaman ng agham at siyensya Siyang hindi mabibilang at hindi masusukat Ako ang indayog na mananatili at hindi maglalaho Ako ang dagundong ng mga immortal na turmpeta Na bumubuga magpakailanman Walang umpisa at wakas Ako'y padayon lamang